هاظ العجاج
هاظ العجاج وسكر الصدر تسكير
وانا بنـهار العــج زايـــد ونـيني
ماغير اركض واسند البيت ليـطير
خوفـي مـن العامود انه يجـيني
اركض هنا وهناك اسرع من الطير
يامنـظر الملهوف صـار بعــيوني
راح العـجاج وبلـش البرق تفجـير
وخيم علينا الخوف وهم خوفوني
مثل ساحة حـرب في يوم تحـرير
اركض ونـار بخافـقي تكتـوينـي
ترعد رعيد وعالي الصوت تصـفير
وبرق المزون اللي تزايد متــيني
جانه الغياث ولوحت بالتـباشير
غطا الغبار وصارت الارض طـيني
واصور المنظر عسى فـــيه تدبير
وادخل على اهل الخير لو دبروني
بقلم
محمد عواد البشكمي/
25/10/2016/
ليست هناك تعليقات:
إرسال تعليق