وشوشنى \\\\خاص بالمسابقه \\\ عاميه
قلم \\\ شيماء يو سف
وشوشتك ياابن عمى
تسعدنى وتخفف همى
آه من كلامك وجماله
فى الرقه مافي مثاله
يشتاق قلبى لسماعه
من الفرحه الكون مايساعه
ياللى هواه يجرى فى دمى
وشوشنى تانى يا ابن عمى
*******************
كلامك تعجبنى ألحانه
يهز كيانى وأركانه
ويفتح له قلبى أبوابه
ما انت كل أحبابه
وعلى عرشه قاعد متهنى
ما بحب غيره مهما إتقال لى
وشوشنى تانى يا ابن عمى
*********************
فكرنى بأحلامنا زمان
ايام ما كنا فى الغيطان
وقلوبنا حاسه بالأمان
اجرى وراك وتجرى ورايا
وتمسكنى وانت متغمى
وتعلى الضحكه منك ومنى
فكرنى تانى ياأبن عمى
*******************
وشوشنى تانى فى ودانى
داأنا من غيرك وحدانى
وكلامك ليا احلى أغانى
خليك دايماً مقرب منى
دا بعدك عنى يجننى
إوعى تبعد يا ابن عمى
****************
قول كمان واحكى معايا
تحلى معاك كل حكايه
وسماع كلامك أجمل غايه
ورضاك عنى هو منايا
وقلبى فى قربك مستنى
يالا كمان إحكى وغنى
ووشوشنى تانى ياابن عمى
قلم \\\ شيماء يوسف
ليست هناك تعليقات:
إرسال تعليق